人生初體驗

當日, 放工後就去到詩琳位於尖沙咀金馬倫道分店,而負責嘅治療師係一位大美女, hehe, 見到靚女心情都輕鬆唔少!佢好有心機為我介紹佢地公司, 亦都講解整個浣腸過程,比我了解到原來成個過程都唔需要比浣腸師"睇全相",哈哈, 我真係大鄉里!

浣腸水療是一項舒適而又安全的排毒治療，於進行水療前，放鬆心情，躺在這張寬敞舒適的床上,一邊看電視, 一邊讓純水從肛門位置進入直腸,從而軟化"千年頑固便便", 讓它自然排出!浣腸水療有助潔淨體內廢物和毒素，同時具有補充水分的作用。

治療師細心指導如何親自將已經塗上潤滑劑的幼管放進肛門內不超過2吋，起初我都好擔心放得唔知啱唔啱, 又驚放得唔夠入會跑左出黎,又驚放得太入, 篤到條腸, 哈哈, 不過原來唔洗驚, 因為條管設計到你係唔會放我太長入去架!而純水會透過幼管流入大腸，將腸內的廢物稀釋及軟化, 治療師會經常觀察水療狀況，更替你按摩腹部，加速廢物排出，從而提升消化系統的效率和機能。整個程序需時約35分鐘，方便快捷。

治療師話我本身腸唔好, 又有便秘問題, 所以做浣腸時,令到腸入面嘅氣跑了出來, 搞到我一路整一路"bo bo"聲, 哈哈, 公然放屁!!!!不過, 唔臭架, 因為我坐住嘅儀器抽氣好強, 你完全唔洗驚會臭親個治療師!

其實坐嘅姿勢就好似人地生仔咁, 下面就係一個坐廁,咁你可以盡情就儲左千年嘅便便排出啦!不過當然洗一次係唔會洗晒成條腸啦! 治療師話人體裡面成條腸有5呎長, 而我地第一次就只會洗直腸位置,大約一尺啦, 不過講真, 都已經沖左唔少出黎!而我嘅千年便便就係跟住依條管一路沖走啦!哈哈, 睇住跟左自己咁耐嘅便便終於離開我嘅直腸,35分鐘過去之後, 治療師就讓我在房間內好好清潔並且著返衫!哇, 照下返鏡, 我個小肚腩細左好多,小腹都平坦左! 果然係你地班魔鬼便便搞到我條腰咁粗!

完成療程之後, 治療師比左一D使腸道健康的益生菌藥丸, 同一杯電解質飲料我, 之後仲講解左一D飲食上嘅小提示,包括當晚唔可以食生冷野, 酒精同肥膩野都唔得,不過, 浣腸完感覺真係輕鬆左!!!